Við hjá Útfararþjónustu Suðurnesja erum fjölskyldufyrirtæki sem byggt er á traustum grunni. Útfararstofan var stofnuð af Richard D. Woodhead 1999 en er í dag rekin af dóttur hans, Kristínu Richardsdóttur eftir að Richard settist í helgan stein vegna aldurs. Útfararþjónusta Suðurnesja leggur áherslu á persónulega og faglega þjónustu með alúð og virðingu í huga.
Ekki hika við að hafa samband við okkur. Hægt er að hringja, senda tölvupóst eða nota formið hér til hægri á síðunni. Við finnum okkur svo fundartíma, förum yfir málin og hjálpum þér við að feta þá leið sem framundan er. Síminn okkar er: 894 3833 - ef við náum ekki að svara, lesið inn skilaboð og við munum hringja til baka.
Þegar um er að ræða bálför fer athöfnin fram eins og um hefðbundna útför sé að ræða. Ekki er farið í kirkjugarð að útför lokinni. Kistan er hins vegar oft borin út úr kirkjunni og viðstöddum boðið að signa yfir hana.
Í hefðbundinni afthöfn er kistan borin út í líkbíl að athöfn lokinni. Venjan er að líkbíll aki fremst í röð í kirkjugarð. Ekið er að grafreit í kirkjugarði, kistan borin að gröf og presturinn segir nokkur orð.
Leyfðu okkur að aðstoða þig í erfiðum aðstæðum. Við þekkjum ferlið og leiðbeinum þér við þá leið sem valin verður.
Hafa samband
Við vitum að þegar andlát ber að höndum þarf að vera valinn maður í hverju rúmi. Við ástvinamissir gengur fólk í gegnum viðkvæmt og erfitt tímabil sorgar og söknuðar. Þá er gott að geta treyst á örugga og trausta þjónustu sem veitt er með alúð, virðingu og trúnaði.
